ගිණුම

කලකිරුණු ජීවිත තෙම දිනක්

ඉරණම් බැංකුවට ගොස්

අයදුම්පතක් පිරවීය

සදහටම වසා දමන්නට

අක්‍රීයව පැවති කරුම ගිණුම.

හැඟීම් වියුක්තවම මැනේජර

පැවසීය ජීවිත තෙමට,

පියවිය යුතු බව ණය ගිණුම

හැකි ඉක්මනින්ම

පොලිය හා දඩයද සමඟ

වික්ෂිප්තව ජීවිත තෙම

රැගෙන ගිණුම් විස්තරය

ආරෝහණවත්  අවරෝහනවත්

පෙළගැස්වීය මතක අනුපිලිවෙල

නොගත් ණයට හේතුව සොයා

ශේෂය ශුන්‍ය වුනු උපතින් ගෙනා

කරුම ගිණුම

වැල් පොලී ක්‍රමයට පිරී තිබුණි

නන්නාඳුනන උන් ගත්

ණය වලින්